Die Joodse entrepreneur Kira Radinsky sê dat suksesvolle besigheid toegeskryf kan word aan die idee van gemeenskappe bou en etiese waardes behou.

Net soos die Joodse gemeenskap wil AfriForum Netwerk ook ’n landwye netwerk bou waar AfriForum-lede en entrepreneurs mekaar kan opspoor, aanspoor en ondersteun.

Hierdie netwerk bestaan uit twee dele: AfriForum Netwerk as ’n databasis van ondernemings wat deur AfriForum-lede besit of bestuur word, en die Afrikaans-Vriendelik-databasis van ondernemings wat diens in Afrikaans kan lewer. AfriForum-lede wat hul ondernemings registreer en aandui dat hulle lede is se ondernemings sal outomaties op albei databasisse geregistreer word. Mense wat nie lede van AfriForum is nie se ondernemings sal net op die Afrikaans-Vriendelik-databasis gelys word. Lede van AfriForum word aangemoedig om ander lede se ondernemings te ondersteun deur die AfriForum Netwerk.

Indien jy slegs die AfriForum Netwerk-databasis wil sien, klik op die AfriForum Netwerk blokkie om die databasis te filtreer.

Ondernemings kan ook aandui of hulle bereid is om korting aan lede te bied en lede kan ook maklik dié ondernemings wat korting bied, identifiseer.

Alle ondernemingseienaars, entrepreneurs, kleinsakeondernemings, winkelbestuurders – en selfs verbruikers wat voel dat hulle ’n bydrae kan maak deur hul eie diens en onderneming, of een wat hulle graag ondersteun – kan ’n e-pos na afrivriendelik@afriforum.co.za stuur om GRATIS op hierdie gids gelys te word sodat ons jou kan bystaan wanneer jy jou diens of onderneming lys.

AfriForum Netwerk is aanlyn vir enige diensverskaffer of verbruiker beskikbaar.

AfriForum Netwerk word met dienste van AfriVriendelik ondersteun. AfriVriendelik bied netwerkgeleenthede vir ondernemings op dié gids, soos sakeontbyte, opleidingsessies, sosialemediabemarking, entrepreneurskompetisies vir oud en jonk en ’n jaarlikse glansgeleentheid waar die beste ondernemings bekroon word. Besoek ook gerus www.afrivriendelik.co.za vir meer inligting.

AfriForum Netwerk is Maklik. Vinnig. Gratis.

Klik hiér om jou besigheid te lys

Klik hiér om ‘n besigheid te soek